ءىس-شاراعا مەكسيكانىڭ مەملەكەتتىك ورگاندارى, بيزنەس توپتارى, مادەنيەت قايراتكەرلەرى, ساياسي يستەبليشمەنتى جانە قازاق دياسپوراسىنىڭ 200-دەن استام وكىلدەرى قاتىستى.
قازاقستاننىڭ ەلشىسى اندريان ەلەمەسوۆ العى سوزىندە قاتىسۋشىلاردى جاس استانانىڭ قالىپتاسۋىنىڭ ەلەۋلى كەزەڭدەرىمەن, جاھاندىق ساياساتتاعى وسكەلەڭ رولىمەن, كوپشىلىكپەن تانىلعان حالىقارالىق كۇن ءتارتىبىنىڭ ساياسي جانە ەكونوميكالىق ماسەلەلەر بويىنشا كەلىسسوزدەر الاڭىنىڭ جەتىستىكتەرىمەن تانىستىرىپ شىقتى.
سونىمەن قاتار قوناقتار قازاقستاننىڭ جەتىستىكتەرى مەن دامۋ پەرسپەكتيۆالارى, جاعىمدى ينۆەستيتسيالىق ساياساتى, ستراتەگيالىق باعدارلامالارى مەن حالىقارالىق باستامالارىنىڭ نەگىزگى باعىتتارىمەن تانىستى.
سىرتقى ىستەر مينيسترلىگى دەپارتامەنتىنىڭ باس ديرەكتورى حورحە الۆارەس فۋەنتەس مەكسيكانىڭ سىرتقى ساياسي ۆەدومستۆو باسشىسىنىڭ اتىنان قۇتتىقتاۋ حاتتى وقىپ, قازاقستاننىڭ ايماقتىق ليدەرى رەتىندەگى وسكەلەڭ الەۋەتىن, حالىقارالىق ساحناداعى مەدياتور ءرولىن جانە تابىستى ەكونوميكالىق وزگەرىستەرىن ەرەكشە اتاپ ءوتتى.
سونىمەن قاتار قوناقتاردىڭ نازارىنا استانا تۋرالى ارنايى فيلم جانە قازاقتىڭ ۇلتتىق تاعامدارى ۇسىنىلدى.
